Dalğa Gənclər Hərəkatı

27 oktyabr 2008-ci il tarixində Dalğa GH-nın cənub regional ofisi gənclərə növbəti görüşünü keçirdi. Tədbir 30-dan artıq gəncin iştirakı ilə keçdi. Göruş çərçivəsində bir sıra məsələlər müzakirə olundu və onların həlli yolları barədə fikir mübadiləsi aparıldı. Tədbirdə həm də ictimai-fəlsəfi klub və kino klubunun yaradılmasına qərar verildi və ilk film gənclərə təqdim olundu. Bu Dalğa GH-nın çəkdiyi “Dönüş” filmi idi. Əlavə olaraq ötən görüş zamanı başlanması nəzərdə tutulmuş “Böyük bacılar və böyük qardaşlar” kompaniyasına da start verildi. Göruşdən sonra Demokratiya məktəbinin ilk könüllü mühazirəsi keçirildi.

Dünən Dalğa Gənclər Hərəkatının 3-cü qurultayı baş tutdu. Qurultayda 3 namizəd - Vəfa Cəfərova, İlkin Əlisoy və Araz Önər sədrliyə namizədliklərini irəli sürmüşdülər. Qurultayı Elşən Poladlı açıq elan etdi və sonra sözü Qurultaya Hazırlıq Üzrə Təşkilat Kömitəsinin sədri Elvin Kazımlıya verdi. Elvin Kazımlı isə öz növbəsində Qurultayın təşkilatçılığı ilə bağlı məlumat verdi. Sonra Qurultay iştirakçıları ABŞ səfirliyinin dəstəyi ilə çəkilmiş “Dönüş” filminə baxdılar. Qonaqların və namizədlərin çıxışlarından sonra səsverməyə start verildi. Səsvermə bitəndən dərhal sonra, səsverməyə nəzarət edən Seçki Monitorinq Mərkəzinin nümayəndələri seçkidə heç bir qanun pozuntusunun olmadığını qeyd etdilər. Səslər sayılandan sonra Vəfa Cəfərova Dalğa GH-nın 4-cü sədri seçildi.
Qeyd edək ki,səsvermədə 77 nəfər dalğaçı seçkidə iştirak etdi. Səsverməyə Vəfa Cəfərova birinci, İlkin Əlisoy ikinci, Araz Önər üçüncü yeri tutdu.

Dalğa Gənclər Hərəkatı növbəti Qurultaya hazırlaşır

QayNar: Dalğa Gənclər Hərəkatının (Dalğa GH) dünən keçirilən idarə heyətinin iclasında Hərəkatın sədri Vəfa Cəfərova tutduğu vəzifədən istefa verib. Buna səbəb Dalğa Gənclər Hərəkatının nizamnaməsinin 4-cü müddəasının 3-cü bəndində göstərildiyi kimi, Qurultay gününə ən az 20 gün qalmış sədr istefa verməlidir və müvəqqəti olaraq idarəçilik Qurultaya Hazırlıq üzrə Təşkilat Komitəsinə ötürülməlidir. Nizamnaməyə uyğun olaraq, son iclasda qurultaya hazırlıq üzrə təşkilat komitəsi yaradılmışdır və Elvin Kazımlı komitənin rəhbəri seçilmişdir.

Oktyabrın 20-də keçirilməsi nəzərdə tutulan qurultayda sədrin və Mərkəzi Nəzarət Təftiş Komissiyasının (MNTK) hesabatları dinlənəcək, gizli səsvermə ilə növbəti 1 (bir) il üçün sədr və onun birinci müavini seçiləcək. Qurultayın 2-ci günündə Dalğa Gənclər Hərəkatının 1 (bir) il müddətinə İdarə Heyəti və MNTK, müxtəlif sahələr üzrə koordinatorlar, həmçinin komissiya sədrləri müəyyənləşəcək.

Əlavə məlumat üçün Qurultaya Hazırlıq üzrə Təşkilat Komitəsinin rəhbəri Elvin Kazımlıya müraciət edə bilərsiniz.

Əlaqə telefonu: 050 575 15 19

01.09.2008

Bu gün saat 16.00 radələrində Dalğa Gənclər Hərəkatı Bakıdakı “Puşkin bağı”nda Gürcüstandakı yürüşə dəstək əlaməti olaraq aksiya keçirib. Aksiyada gənclər, ələ-ələ tutaraq “We support Georgia” (Biz Gürcüstanı dəstəkləyirik), “You are not alone” (Siz yalnız deyilsiniz) şüarları ilə çıxış edib. Hərəkatın üzvləri bildiriblər ki, aksiyanı məhz “Puşkin bağı”nda keçirməkdə məqsəd, sülh və əmniyyətə çağırış etməkdir: “Biz inanırıq ki, Aleksandr Seygeyviç Puşkin bu gün sağ olsaydı o da bizimlə birgə Rusiya imperializminə və Gürcüstandakı savaşa etiraz edərdi ” - deyə Ramin Hacılı bildirib. Aksiyaya polisin müdaxiləsi olmayıb.

Aksiyanın videosuna bu keçiddən baxa bilərsiniz: http://dalgaciyiq.biz/?p=41
Davamını Oxu »

26.08.2008

Dalğa Gənclər hərəkatının IT koordinatorluğu və İctimai Əlaqələr koordinatorluğun təşəbbüsü ilə hərəkatın idarə heyəti, Dalğa Gənclər hərəkatının rəsmi internet səhifəsində sorğu keçirmək barəsində qərar qəbul edib. Azərbaycan internet istifadəçiləri arasında keçiriləcək sorğu 16 oktyabr 2008-ci ilə qədər davam edəcək.”Seçkilərin demokratik keçəcəyininə inanırsınız mı?” başlıqlı sorğuya Dalğa Gənclər Hərəkatın rəsmi veb səhifəsintə qatıla bilərsiniz. Sorğunun nəticələri, ictimaiyyətə təqdim olunacaq. Sizi də bu sorğuda iştirak etməyə çağırırıq.

19.08.2008.

 
Biz Dalğa Gənclər Hərəkatı olaraq istənilən terror hadisəsinə qarşıyıq. 17 avqustda Bakı şəhəri, Əbu-Bəkr məscidində törədilmiş hadisənin insanların dini inanclarına qarşı hörmətsizlik kimi qiymətləndiririk. Bu hadisə Azərbaycanda sabitliyin pozulmasına gətirib çıxarda bilər ki, bu da bizi narahat edir. Hadisəni qəti şəkildə qınayır və hüquq-mühafizə orqanlarından bunun səbəbkarlarının tez bir zamanda tapılmasını və cəzalandırılmasını tələb edirik. Inanc sahiblərindən isə səbrli olmalarını rica edir və hüququn aliliyinə güvən arzulayırıq.

Biz Hüquq mühafizə orqanlarının bu hadisəyə tez bir zamanda aydınlıq gətirəcəyinə inanırıq. Rəhmətə gedənlərin ailələrinə baş sağlığı, yaralıların isə tez bir zamanda ayağa qalxmasını diləyirik.

Dalğa Gənclər Hərəkatı,
İdarə Heyəti

19.08.2008.

Gürcüstana informasiya müharibəsində Azərbaycanın vətəndaş cəmiyyəti yardımçı olacaq.

“Azərbaycan vətəndaş cəmiyyətinin Gürcüstana dəstək kompaniyası davam edir. Hal hazırda Gürcüstan informasiya müharibəsində Rusiyaya uduzmaqdadır. Bu səbəbdən Helsinki Vətəndaş Assambleyasının, Avro-İnteqrasiya komitəsinin və Dalğa Gənclər hərəkatının təşəbbüsü ilə Gürcüstana informasiya dəstəyi məntəqəsi yaradıldı.” Vəfa Cəfərova, Dalğa GH-nın sədri.
Vəfa xanımın sözlərinə görə məntəqə 24 saat işləyəcək. Məntəqənin işi bundan ibarət olacaq: Gürcüstandan ilk əldən məlumat almaq, onu İngilis, Rus, Türk, İspan, Azərbaycan dillərinə tərcümə edib, 12 saat ərzində 2 dəfə xarici informasiya agentliklərinə və QHT-lərinə yollamaq.
Bundan əlavə informasiyalar məntəqənin öz bloqunda da yerləşdiriləcək.

Araz Önər

Boykotun nə olduğunu artıq keçən yazıda otaq yoldaşım İlkin Əlisoy   bildirmişdi. Amma ortada bir əmma var ki, bu boykot terminini praktiki olaraq analiz etmək çox çətin məsələdir. Teoriyada boykot adama çox asan gəlir. Məsələn, müəllim mənim xoşuma gəlmir, mən o müəllimin dərslərini boykot edərək, dərsinə girmirəm. Boykotun bu növü Azərbaycanda ən çox məşhurdur. Çünki demək olar ki, bütün universitetlərdə tələbələr müəllimləri dolayı yolla da olsa boykot edirlər. Özüm də dəfələrlər bu boykotistlərdən biri olmuşam. Və bunu teorik olaraq düşündükdən sonra praktikada tətbiq etmək qərarına gəlmişəm. Nəticəsi də bu olub ki, az qala universitetdən xaric olunurdum.
Davamını Oxu »

Əli İbadov

Bəzən qara ağın əksi olmur. Necə ki, altruizm ( başqalarının mənafeyini öz mənafeyindən üstün tutmaq ) eqoizmin ( öz mövqeyini hamının mövqeyindən üstün tutmaq ) əksi deyil. Çünki reallıqda altruizm anlayışı olsa da altruist şəxsin olması mümkün deyil. Eqoizmi altruizmə qarşı qoyanlar əslində onu populizmə (olmayan yalan ifadələrlə kütləni ələ almağa çalışmaq) qarşı qoyduqlarının fərqinə varmırlar. Mən universitetə gələndə ən dəhşətə gəldiyim şeylərdən biri kiminsə eqoist olması idi. Sonralar düşüncə tərzim dəyişəndən sonra bir müəllimimiz eqoistlərə “başqalarının bədbəxtliyi üzərində xoşbəxtlik quranlar” kimi tərif vermişdi. Həmin dərsi seminarda danışanda “ mən eqoistəm və bu auditoriyada olanların hamısının eqoist olmasını iddia edirəm “ dedikdə mənə çox etirazlar olmuşdu. O zaman mən başqalarının bədbəxtliyi üzərində xoşbəxtlik qurmayacaq dərəcədə eqoist olduğumu demişdim.
Sonra bu da dəyişdi.

Davamını Oxu »

Polyak dilindən tərcümə edən: Araz Önər
Məqalənin orijinal keçidi: http://www.kresy.pl/wydarzenia?zobacz/baku:-przeciwko-rosyjskiej-agresji-w-gruzji

“Azərbaycan totalitar rejimlə əlbir olan demokratik ölkələrdəndir”

12 Avqust, Bakı vaxtı ilə saat 14.00-da Rusiya səfirliyin qarşısında Gürcüstandakı hərbi əməliyyatlar əleyhinə Dalğa Gənclər hərəkatının növbəti aksiyası olacaqdı. Aksiyadan öncə Dalğa GH-nin 5 üzvü kafelərin birində polis tərəfindən həbs olundular və polis bölməsinə aparıldılar. Biz Rusiya səfirliyinin qarşısında çatanda orada Dalğa GH-nın nümayəndəsini gördük. O bizə həbslər səbəbi ilə aksiyanın təxirə salındığını bildirdi. Biz isə bu barədə söhbət etməyi ona təklif etdik. Davamını Oxu »